თაიმლაინი

აპრილი, 2019 (3 ღონისძიება)

მიკაელა შიფრინი და მარსელ ჰირშერი 2019 წლის სამთო-სათხილამურო დიდი მსოფლიო თასების მფლობელები გახდნენ

დასრულდა 2019 წლის ზამთრის სეზონი. FIS-ის სამთო-სათხილამურო მსოფლიო თასის გათამაშების ფინალური ეტაპები ანდორაში - გრანდვალირა ზოლდაუ - ელ ტარტერში გაიმართა.

ამერიკელმა ტალანტმა - მიკაელა შიფრინმა დიდი მსოფლიო თასი ზედიზედ მესამეჯერ მოიპოვა.  შიფრინი ამჯერად 11 მსოფლიო თასის მფლობელია.

ავსტრიელმა სუპერვარსკვლავმა - მარსელ ჰირშერმა თავის კარიერაში ასევე ზედიზედ მე-8  დიდი მსოფლიო გლობუსი მოიპოვა. მის კოლექციაში ახლა 21 მსოფლიო თასია.

ცალკეული სახეობების პატარა მსოფლიო თასის მფლობელები გახდნენ:

სლალომი:

ამერიკელი მიკაელა შიფრინი და ავსტრიელი მარსელ ჰირშერი

გიგანტური სლალომი:

მიკაელა შიფრინი და მარსელ ჰირშერი

სუპერგიგანტი:

მიკაელა შიფრინი და იტალიელი დომინიკ პარისი

სწრაფდაშვება:

ავსტრიელი ნიკოლ შმიდჰოფერი და შვეიცარიელი ბით ფოიცი

წელს თავიანთი შესანიშნავი კარიერა დაასრულეს ტიტულოვანმა საუკეთესო სამთო-მოთხილამურეებმა: ამერიკელმა ლინდსი ვონმა, ნორვეგიელმა აკსელ ლუნდ სვინდალმა, ამერიკელმა ტედ ლიგეტიმ და გერმანელმა ფელიქს ნოიროიტერმა.

ახლა სამთო-მოთხილამურეები ცოტას დაისვენებენ და მაისიდან მომავალი  2020 წლის ზამთრის სეზონისთვის მომზადებას დაიწყებენ.

 

სრულად 15 აპრ

საქართველოს სამთო-მოთხილამურეთა ბავშვთა ნაკრები იტალიაში ,,პინოქიოს“ შეჯიბრზე იასპარეზებს

დღეს, 3 აპრილს საქართველოს სამთო-მოთხილამურეთა ბავშვთა ნაკრების წევრები: ლუკა ბუჩუკური, ირაკლი არღვლიანი, მიხეილ ჩართოლანი, ნიკოლოზ გაგაძე, გიორგი გულედანი და ლევან ნაზღაიძე თავიანთ მწვრთნელებთან: იასონ აბრამაშვილთან და იბრაგიმ ჯანიძესთან ერთად იტალიაში გაემგზავრნენ.

5-6 აპრილს იტალიის კურორტ აბეტონეში საერთაშორისო სათხილამურო ფედერაციის FIS-ის ეგიდით ბავშვთა შორის გაიმართება შეჯიბრება ,,პინოქიო“, სადაც ქართველი მოთხილამურეები მიიღებენ მონაწილეობას.

წარმატებებს ვუსურვებთ ჩვენს პატარა მოთხილამურეებს!

სრულად 3 აპრ

საქართველოს 2019 წლის სამთო-სათხილამურო თასის გათამაშება დასრულდა

 

30-31 მარტს, 2019 წლის საქართველოს სამთო-სათხილამურო თასის ფინალურ ეტაპს გუდაურმა უმასპინძლა.  

შეჯიბრება  ,,კუდების“ ფერდობზე სლალომსა და გიგანტურ სლალომში ჩატარდა.

მზიანმა ამინდმა სპორტსმენებსა და ორგანიზატორებს ხელი შეუწყო, რომ შეჯიბრი წარმატებით ჩატარებულიყო.

შეჯიბრში მონაწილეობა მიიღეს: გუდაურის, ბაკურიანის, მესტიის, აჭარისა და ბაკურიანის სპორტ-სკოლების ასოციაციის ნაკრებმა გუნდებმა.

აღსანიშნავია, რომ ამ შეჯიბრებაზე მოხალისეებად საქართველოს ნაკრების ყოფილმა წევრებმა: იასონ აბრამაშვილმა, ალექსი ბენიაიძემ, ჯაბა გელაშვილმა, გოგა ოგბაიძემ, დაჩი ბუჩუკურმა და ნაკრების ყოფილმა მწვრთნელმა ჯოვანი ლაზარინიმ იმუშავეს.

სამთო-მოთხილამურეებმა საქართველოს სხვადასხვა რეგიონებიდან ოფიციალურად სამ ასაკობრივ ჯგუფში იასპარეზეს, მაგრამ დღევანდელი გიგანტური სლალომის შეჯიბრი იმით გამოირჩეოდა, რომ 2007-2010 წლებში დაბადებული პერსპექტიული მოთხილამურეებიც შეეჯიბრნენ ერთმანეთს.

ოთხი ჩატარებული ეტაპების შედეგებით გამოვლინდნენ 2019 წლის საქართველოს სამთო-სათხილამურო თასის მფლობელები.

სრული შედეგები იხ. www.gsf.ge

2018-2019 წლის ზამთრის სეზონზე სვანეთის, გუდაურის, აჭარის და ბაკურიანის სპორტ-სკოლების ათ-ათ სამთო-მოთხილამურეს აქვს მოპოვებული უპირატესობა  საქართველოს თასის გათამაშების ეტაპებზე. სწორედ მათ ჰქონდათ საშუალება ესახელებინათ თავიანთი გუნდები.

აღსანიშნავია, რომ 2018 წლიდან გუნდურ შეჯიბრში საქართველოს თასის გათამაშების გამარჯვებულ რეგიონს, გუდაურის დამაარსებლის სოლიკო ხაბეიშვილის სახელობის  გარდამავალი თასი გადაეცემა.

1988 წელს გუდაური, როგორც სათხილამურო კურორტი, სწორედ სოლიკო ხაბეიშვილის დიდი ძალისხმევით დაარსდა.

1991-1993 წლებში სოლიკო ხაბეიშვილი იყო საქართველოს სათხილამურო ფედერაციის პირველი პრეზიდენტი.

გუდაურის კურორტის დაარსებისა და მისი განვითარების საქმეში შეტანილი ღვაწლის აღსანიშნავად, მეორე წელია სოლიკო ხაბეიშვილის სახელობის თასი  გადაეცემა გამარჯვებულ გუნდს. საერთო გუნდურ ჩათვლაში  გამარჯვებული სვანეთის ნაკრები გახდა.

უკვე მეექვსე წელია, რაც უმცროსი ასაკის გამარჯვებული სამთო-მოთხილამურეები, გურამ გირგვლიანის ინიციატივით, სანდრო გირგვლიანისა და ირინა ენუქიძის ფონდიდან ფულადი პრიზით ჯილდოვდებიან. აღნიშნული პრიზი ახალგაზრდა სპორტსმენებისთვის სტიმულის მიცემის მიზნით დაარსდა. 

საქართველოს სათხილამურო ფედერაციის თასის ეტაპების გენერალური სპონსორი კომპანიასილქნეტია,,, მხარდამჭერებიკულტურისა და სპორტის სამინისტრომთის კურორტების განვითარების კომპანია და კომპანია ,,ბორჯომი“. 

ხაზგასმით გვინდა აღვნიშნოთ საქართველოში ჩატარებული სამთო-სათხილამურო და ფრისტაილის ყველა შეჯიბრზე სპორტსმენების გვერდით ,,რედბულისა“ და სოსისების კომპანია ,,ვაკის“ მონაწილეობა.

საქართველოს თასის გათამაშების ფინალური ეტაპისა და საერთო ჩათვლაში გამარჯვებულები  შეჯიბრების დასრულების შემდეგ ,,cub``-ის მიმდებარე საგანგებოდ მოწყობილ ტერიტორიაზე მუსიკის თანხლებით საზეიმო ვითარებაში დაჯილდოვდნენ.

ვულოცავთ ჩვენს სპორტსმენებს წარმატებას!

სრულად 1 აპრ
მარტი, 2019 (9 ღონისძიება)

დღეს გუდაურში საქართველოს სამთო-სათხილამურო სლალომისა და ფრისტაილის თასის ეტაპები გაიმართა

                                                                                   

დღეს, 30 მარტს, გუდაურში ,,კუდების“ ფერდობზე 2019 წლის საქართველოს სამთო-სათხილამურო თასის ფინალური, მეოთხე ეტაპის პირველი შეჯიბრება - სლალომი გაიმართა. დღესვე გუდაურში ,,უაით რებითის“ ტერიტორიაზე ფრისტაილის ,,ბიგ ეარის“ სახეობაში საქართველოს თასის ფინალური - მესამე ეტაპი ჩატარდა.

,,ბიგ ეარის“ შეჯიბრება ბექა ბურდულმა მოიგო, მეორე და მესამე ადგილებზე: რეზი ბურდული და გიორგი მელიქიშვილი გავიდნენ.

აღსანიშნავი და სასიხარულოა, რომ საქართველოში სპორტის ამ სახეობისადმი (ფრისტაილი) ინტერესი ყოველწლიურად იზრდება, რაც განპირობებულია იმით, რომ 2023 წელს საქართველოში ჩატარდება ფრისტაილის მსოფლიო ჩემპიონატი. 

სამთო-მოთხილამურეებმა კი საქართველოს სხვადასხვა რეგიონებიდან ტრადიციულად სამ ასაკობრივ ჯგუფში იასპარეზეს.

შეჯიბრში მონაწილეობა მიიღეს: გუდაურის, ბაკურიანის, მესტიის, აჭარისა და ბაკურიანის სპორტ-სკოლების ასოციაციის ნაკრებმა გუნდებმა.

ბავშვები  I,  დაბადების წელი 2005-2006

გოგონათა შორის ნატა მეხეშიძე გახდა ჩემპიონი, ვაჟთა შორის კი ოთარ წულეისკირმა გიამარჯვა.

ბავშვები II, დაბადების წელი 2003-2004

მარიამ ნავერიანმა და ლუკა ბუჩუკურმა მოიპოვეს გამარჯვება.

მოზრდილები და იუნიორები, დაბადების წელი 2002 და უფროსი ასაკი.

პირველი ადგილის მფლობელები: კატო გოცირიძე და ლაშა კურტანიძე გახდნენ.

შეჯიბრება რვა პერსპექტიულმა პატარა მოთხილამურემ გახსნა.

ეტაპებზე მიღებული ქულების ჯამი ახალგაზრდა მოთხილამურეებს, სამომავლოდ საქართველოს სათხილამურო ნაკრებში  მოხვედრაში დაეხმარება.

საქართველოს სამთო-სათხილამურო თასის ფინალური, მეოთხე ეტაპის - სლალომში და ფრისტაილის ,,ბიგ ეარში“ გამარჯვებული სპოტსმენები ,,კუდების“ უკანა მხარეს, ფინიშის ტერიტორიაზე მუსიკის თანხლებით საზეიმო ვითარებაში დაჯილდოვდნენ.

ვულოცავთ ჩვენს სამთო-მოთხილამურეებსა და პატარა ფრისტაილერებს ამ წარმატებას! 

საქართველოს სათხილამურო ფედერაციის თასის ეტაპების გენერალური სპონსორი კომპანია ,,სილქნეტია“, მხარდამჭერები - კულტურისა და სპორტის სამინისტრო, მთის კურორტების განვითარების კომპანია და კომპანია ,,ბორჯომი“. 

დამატებითი ინფორმაცია იხილეთ ფედერაციის ვებ გვერდზე: www.gsf.ge



 

 

 



 

 

 

 

 

 

სრულად 30 მარ

სნოუბორდისტმა ჯაბა სხვედიანმა სოჭში მეხუთე ადგილი დაიკავა

26 მარტს სოჭში საერთაშორისო სათხილამურო ფედერაციის ეგიდით სნოუბორდის სლოუფსთაილის დისციპლინაში გაიმართა შეჯიბრება - ევროპის თასის ეტაპი, სადაც ქართველმა სნოუბორდისტმა - ჯაბა სხვედიანმა იასპარეზა.

შეჯიბრში 8 ქვეყნის 35 სპორტსმენმა იასპარეზა. ფინალში 8 სნოუბორდისტი, მათ შორის ჯაბა  გადავიდა და საბოლოოდ მეხუთე ადგილი დაიკავა.

ჯაბას ვულოცავთ ამ წარმატებას!

 

სრულად 29 მარ

საქართველოს 2019 წლის სამთო-სათხილამურო თასის ფინალური ეტაპი გუდაურში გაიმართება

30-31 მარტს, გუდაურში  2019 წლის საქართველოს სამთო-სათხილამურო თასის ფინალური ეტაპი გაიმართება.  

შეჯიბრება  ,,კუდების“ ფერდობზე სლალომსა და გიგანტურ სლალომში ჩატარდება.

სამთო-მოთხილამურეები საქართველოს სხვადასხვა რეგიონებიდან სამ ასაკობრივ ჯგუფში იასპარეზებენ :

ბავშვები  I,  დაბადების წელი 2005-2006

 ბავშვები II, დაბადების წელი 2003-2004

მოზრდილები და იუნიორები, დაბადების წელი 2002 და უფროსი ასაკი.

შეჯიბრში მონაწილეობას მიიღებენ: გუდაურის, ბაკურიანის, მესტიის, აჭარის ნაკრები გუნდები, რომლებმაც გასული წლის შიდა რეგიონალურ ჩემპიონატებზე წარმატებას მიაღწიეს და საქართველოს მთავარ ჩემპიონატში მონაწილეობის უფლება მოიპოვეს. 

2018-2019 წლის ზამთრის სეზონზე სვანეთის, გუდაურის, აჭარის და ბაკურიანის სპორტ-სკოლების ათ-ათ მოთხილამურეს აქვს მოპოვებული უპირატესობა  საქართველოს თასის გათამაშების ეტაპებზე. სწორედ მათ მიეცემათ საშუალება ასახელონ თავიანთი გუნდები.

გუდაურში გამართული შეჯიბრების შედეგებით გამოვლინდებიან 2019 წლის საქართველოს სამთო-სათხილამურო თასის მფლობელები.

ეტაპებზე მიღებული ქულების ჯამი ახალგაზრდა მოთხილამურეებს, სამომავლოდ საქართველოს სათხილამურო ნაკრებში  მოხვედრაში დაეხმარება.

აღსანიშნავია, რომ 2018 წლიდან გუნდურ შეჯიბრში საქართველოს თასის გათამაშების გამარჯვებულ რეგიონს, გუდაურის დამაარსებლის სოლიკო ხაბეიშვილის სახელობის გარდამავალი თასი გადაეცემა.

1988 წელს გუდაური, როგორც სათხილამურო კურორტი, სწორედ სოლიკო ხაბეიშვილის დიდი ძალისხმევით დაარსდა.

1991-1993 წლებში სოლიკო ხაბეიშვილი იყო საქართველოს სათხილამურო ფედერაციის პირველი პრეზიდენტი.

გუდაურის კურორტის დაარსებისა და მისი განვითარების საქმეში შეტანილი ღვაწლის აღსანიშნავად, მეორე წელია სოლიკო ხაბეიშვილის სახელობის თასი  გადაეცემა გამარჯვებულ რეგიონს.   

უკვე მეექვსე წელია, რაც უმცროსი ასაკის გამარჯვებული მოთხილამურეები, გურამ გირგვლიანის ინიციატივით, სანდრო გირგვლიანისა და ირინა ენუქიძის ფონდიდან ფულადი პრიზით ჯილდოვდებიან. აღნიშნული პრიზი ახალგაზრდა სპორტსმენებისთვის სტიმულის მიცემის მიზნით დაარსდა. 

საქართველოს სათხილამურო ფედერაციის თასის ეტაპების გენერალური სპონსორი კომპანია „სილქნეტია,,, მხარდამჭერები - კულტურისა და სპორტის სამინისტრო, მთის კურორტების განვითარების კომპანია და კომპანია ,,ბორჯომი“. 

ხაზგასმით გვინდა აღვნიშნოთ საქართველოში ჩატარებული სამთო-სათხილამურო და ფრისტაილის ყველა შეჯიბრზე სპორტსმენების გვერდით ,,რედბულისა“ და სოსისების კომპანია ,,ვაკის“ მონაწილეობა.

საქართველოს თასის გათამაშების ფინალური ეტაპისა და საერთო ჩათვლაში გამარჯვებულები  შეჯიბრების დასრულების შემდეგ ,,cub``-ის მიმდებარე საგანგებოდ მოწყობილ ტერიტორიაზე მუსიკის თანხლებით საზეიმო ვითარებაში დაჯილდოვდებიან.

დამატებითი ინფორმაცია იხილეთ ფედერაციის ვებ გვერდზე: www.gsf.ge

საკონტაქტო პირი - სოფო ახმეტელი 577 47 77 01



 

 

 

 

 

სრულად 28 მარ

გუდაურში FIS ევროპის თასის ეტაპები სნოუბორდსა და სკი კროსში დასრულდა

ორი კვირის განმვალობაში გუდაური სამთო-სათხილამურო სპორტის მოყვარულების და სპორტსმენების ყურადღების ეპიცენტრში იყო მოქცეული. 15 ქვეყნის, 150 მდე  მდე სპორტსმენი საქართველოს ეწვია, საერთაშორისო სათხილამურო ფედერაციის (FIS) ევროპის თასის ეტაპებში მონაწილეობის მისაღებად. ეტაპები და სარეიტინგო შეჯიბრები სნოუბორდ ქროსში და სქი ქროსში გაიმართა.

„ძალიან მიხარია, რომ გუდაურში ასეთი წარმატებით ჩატარდა ორივე ეტაპი, სნოუბორდ ქროსში და სქი კქროსში. კიდევ ერთი ტესტი გავიარეთ 2023 წლის მსოფლიო ჩემპიონატამდე.  საერთაშორისო სათხილამურო ფედერაციამ დიდი ნდობა გამოგვიცხადა. ბევრი თაობის ოცნება ახდა და უკვე ფაქტია, რომ საქართველო მსოფლიო დონის შეჯიბრებებს მასპინძლობს.  ეს კიდევ ერთი წინ გადადგმული ნაბიჯია, რომელიც ამ სპორტის პოპულარიზაციას ხელს შეუწყობს და ქვეყნის განვითარებაში მნიშვნელოვან წვლილს შეიტანს.“ - გიორგი რამიშვილი, სათხილამურო ფედერაციის საპატიო პრეზიდენტი.

ზამთრის სპორტის სახეობებისა და ზამთრის ტურიზმის მიმართულებით მსოფლიო  რუკაზე საქართველომ საპატიო ადგილი გასულ წელს დაიკავა, როდესაც მსოფლიო ჩემპიონატის ჩატარების უფლება მოიპოვა.   2023 წელს  სწორედ საქართველოში გაიმართება მსოფლიო ჩემპიონატი თხილამურით და სნოუბორდით თავისუფალი სტილით სრიალში. მანამდე კი, ვადლებულების თანახმად, აქ საერთაშორისო სათხილამურო ფედერაცია (FIS) ევროპის თასის ეტაპებს ჩაატარებს.  გასულ წელს, ბაკურიანში, პირველად ჩატარდა ეტაპები სქი ქროსში. 2019 წლის სეზონი  დატვირთული იყო გუდაურისთვის, სადაც სათხილამურო სპორტში მოწინავე ქვეყნების სპორტსმენებმა  მოიყარეს თავი. ორი კვირის მანძილზე გუდაურში ვარჯიშობდნენ და ასპარეზობდნენ მოთხილამურეები და სნოუბორდისტები ამერიკიდან, კანადიდან, ავსტრიიდან, შვეიცარიიდან, გერმანიიდან,  საფრანგეთიდან, ჩეხეთიდან და სხვ.   უნდა აღინიშნოს, რომ ორივე დისციპლინის ეტაპებმა FIS-ის დელეგატების მხრიდან, ასევე მწვრთნელებისა და თავად სპორტსმენების მხრიდან, უაღრესად დადებითი შეფასებები დაიმსახურა ორგანიზებით კუთხით.

თოვლმა და ამინდმა ხელი შეგვიწყო და ორივე დისციპლინაში შეჯიბრება წარმატებით ჩავატარეთ.  სპორტსმენებს საკუთარი შესაძლებლობების საუკეთესოდ გამოვლენის შანსი ჰქონდათ. ტექნიკური ტრასები იყო, ევროპის თასის სტანდარტების შესაბამისი. ძალიან კარგად ორგანიზებული იყო ყველა საშეჯიბრო დღე.  მადლობა ყველას ვინც გვეხმარებოდა, რომ ეს ტურნირები უნაკლოდ ჩატარებულიყო.„  - კლაუს ვალდნერი, FIS-ის დელეგატი და შეჯიბრებების ხელმძღვანელი.

საქართველოს სათხილამურო ფედერაციის თანამშრომლებს, შეჯიბრების მომზადებაში 40- მდე მოხალისე ეხმარებოდა.  სწორედ მათი ერთობლივი,   დაუზოგავი შრომის შედეგია, ის რომ მსოფლიო მასშტაბის ტურნირი საქართველოში  წარმატებით ჩატარდა.

სნოუბორდ ქროსი და სქი ქროსი ფრისტაილის დისციპლინებია. შეჯიბრისას ტრასაში ოთხი სპორტსმენი ერთდოულად ეშვება და სპეციფიკური ტრასის გავლას უმოკლეს დროში ცდილობს, რის შედეგადაც საკმაოდ დაძაბული და ამავე დროს აზარტული სანახაობა იქმნება.

საერთაშორისო სათხილამურო ფედერაციის (FIS) სნოუბორდ კროსის და სკი კროსის ევროპის თასის ეტაპები საქართველოს მთავრობის,  მთის კურორტების განვითარების კომპანიის, საქართველოს სათხილამურო ფედერაციისა  და მისი გენერალური სპონსორის, კომპანია „სილქნეტის“ მხარდაჭერით ჩატარდა.

FIS-ის ევროპის თასის ეტაპის მეორე საშეჯიბრო დღის გამარჯვებულები სქი ქროსის დისციპლინაში კანადელი მიკაილა მარტინი (Mikayla Martin) და ფრანგი იური დუპლესი კერომარდი (Youri Duplessis Kergomard) გახდნენ.

დანარჩენი საპრიზო ადგილები კი, ასე გადანაწილდა :

II ადგილი

ქალთა შორის -  ნიკოლ კუჩეროვა (Nikol Kucerova), ჩეხეთი;

ვაჟთა შორის -  ტიმ ჰრონეკი (Tim Hronek), გერმანია;

III ადგილი  

ქალთა შორის -  ეკატერინა მალცევა (Ekaterina Maltseva), რუსეთი;

ვაჟთა შორის -  ტომ ბონეფონდი(Tom Bonnefond),საფრანგეთი;

IV ადგილი  

ქალთა შორის - ზოე ჩორი (Zoe Chore), კანადა;

ვაჟთა შორის -  ჟილ მარტინი (Gil Martin), შვეიცარია. 

სრულად 18 მარ

ბულგარეთში სნოუბორდისტმა რევაზ ნაზღაიძემ მესამე ადგილი დაიკავა

14 მარტს ბულგარეთის კურორტ ოსოგოვოში საერთაშორისო სათხილამურო ფედერაციის FIS-ის ეგიდით ბულგარეთის ეროვნული ჩემპიონატი პარალელურ სლალომში ჩატარდა. ქართველმა სნოუბორდისტმა მესამე ადგილი დაიკავა.

ამ შედეგით რევაზმა სარეიტინგო ქულები გაიუმჯობესა.

ვულოცავთ რევაზს ამ წარმატებას! 

სრულად 16 მარ

დღეს გუდაურში FIS-ის სქი ქროსის ევროპის თასის ეტაპი გაიმართა

დღეს FIS-ის ევროპის თასის ეტაპი ქალებსა და ვაჟებს შორის წარმატებით ჩატარდა.

შეჯიბრებაში 13 ქვეყნის, მათ შორის ამერიკის, კანადის, ავსტრიის, შვეიცარიის, გერმანიის, საფრანგეთის 62 სპორტსმენმა (20 ქალი და 46 ვაჟი) იასპარეზა. ტურნირში ასევე მონაწილეობა მიიღო ერთმა ქართველმა ვაჟმა მოთხილამურემ - დავით თედიაშვილმა, რომელმაც კვალიფიკაცია გაიარა და მოხვდა საუკეთესოთა 32 მოთხილამურეს შორის.

ქალთა და ვაჟთა შორის რუსი სპორტსმენები ეკატერინა მალცევა (Ekaterina Maltseva) და იგორ ომელინი (Igor Omelin) გახდნენ გამარჯვებულები.

დანარჩენი საპრიზო ადგილები ასე გადანაწილდა :

II ადგილი

ქალთა შორის - ჩეხი ნიკოლ კუცეროვა (Nikol Kucerova)

ვაჟთა შორის - კანადელი ზაჩ ბელზიკი (Zach Belczyk)

III ადგილი

ქალთა შორის - ავსტრიელი ლისა აისენბეტლი (Lisa Eisenbeitl)

ვაჟთა შორის - ფრანგი ტომ ბონეფონდი (Tom Bonnefond)

IV ადგილი - ქალთა შორის - კანადელი მიკაილა მარტინი (Mikayla Martin)

ვაჟთა შორის - გერმანელი კორნელ რენი (Cornel Renn)

ეკატერინა მალცევა: -

,,საშეჯიბრო ტრასა ძალიან მომეწონა, უბრალოდ ძალიან თბილოდა, რბილი თოვლია, ამიტომ ასპარეზობა ცოტა საშიში იყო, მაგრამ მადლობა ღმერთს ყველაფერმა კარგად ჩაიარა. შეჯიბრებაზე ბევრი ძლიერი მოთხილამურე გამოდიოდა, მოგება არ გამჭირვებია, ყველა ცდაზე ვლიდერობდი, ვერავინ დამეწია. აქ ძალიან ლამაზია ყველაფერი, იმედი მაქვს კიდევ ჩამოვალ საქართველოში.“

 

 იგორ ომელინი:

-,,ევროპის თასის ეტაპი პირველად მოვიგე. ჩემთვის ეს მოგება ორმაგად სასიხარულოა, რადგან ეს საქართველოში შევძელი. საქართველომ ძალიან კარგად მიგვიღო, შეჯიბრება მაღალ დონეზეა ორგანიზებული, ტრასა კარგია. იმედი მაქვს მომავალ წელსაც ჩამოვალ. საქართველოში პირველად ვარ, ძალიან მომეწონა გუდაური, ლამაზია აქაურობა, თბილა. განსაკუთრებით მომეწონა ქართული სამზარეულო, საოცრად გემრიელი საჭმელები გაქვთ.“

ხვალ, 17 მარტს გუდაურში FIS-ის ევროპის თასის ეტაპი გაიმართება და ამით დასრულდება სამდღიანი ტურნირი.

საერთაშორისო სათხილამურო ფედერაციის ეგიდით გამართული ევროპის თასის ეტაპები და სარეიტინგო შეჯიბრებები სნოუბორდ კროსში და სკი კროსში, საქართველოს მთავრობის, მთის კურორტების განვითარების კომპანიისა და საქართველოს სათხილამურო ფედერაციის გენერალური სპონსორი კომპანია „სილქნეტის“ მხარდაჭერით ტარდება.

დამატებითი ინფორმაციისთვის ეწვიეთ საქართველოს სამთო-სათხილამურო ფედერაციის ვებ გვერდს : www.gsf.ge

 

სრულად 16 მარ

ნინო წიკლაურმა იტალიაში მეორე ადგილი დაიკავა

დღეს იტალიის კურორტ პასო სან პელეგრინოში საერთაშორისო სათხილამურო ფედერაციის FIS-ის ეგიდით სარეიტინგო შეჯიბრება გიამართა, სადაც ქართველი სამთო-მოთხილამურემ ნინო წიკლაურმა იასპარეზა და მეორე ადგილი დაიკავა. შეჯიბრება იტალიელმა სოფია გრაფი ბრუნორომ მოიგო, მესამე ადგილზე ამერიკელი ბრიანა ტრუდეუ გავიდა.

შეჯიბრებაში 10 ქყვეყნის 107 სპორტსმენი ასპარეზობდა.

ნინოს ვულოცავთ ამ წარმატებას! 

სრულად 16 მარ

გუდაური საერთაშორისო სათხილამურო ფედრაციის (FIS) ეტაპებს კვლავ უმასპინძლებს

15-17 მარტს გუდაური ისევ დარჩება სათხილამურო სპორტის მოყვარულების ყურადღების ცენტრში. ამჯერად, აქ საერთაშორისო სათხილამურო ფედერაციის ეგიდით სარეიტინგო შეჯიბრება და ევროპის თასის ეტაპები გაიმართება სქი ქროსის სახეობაში.

სქი ქროსი ფრისტაილის ერთ-ერთი დისციპლინაა.

შეჯიბრისას ოთხი სპორტსმენი ერთდროულად იღებს სტარტს და სხვადასხვა დაბრკოლებებიანი, სპეციფიკური ტრასის გავლას მინიმალურ დროში ცდილობს. 

შეჯიბრებაში 13 ქვეყნის, მათ შორის ამერიკის, კანადის, ავსტრიის, შვეიცარიის, გერმანიის, საფრანგეთის 62 სპორტსმენი (19 ქალი და 43 ვაჟი) მიიღებს მონაწიელობას.

პირველ დღეს FIS-ის სარეიტინგო შეჯიბრება გაიმართება ქალებსა და ვაჟებს შორის.

16-17 მარტს კი FIS-ის ევროპის თასის ეტაპები.

აღსანიშნავია, რომ გასულ კვირას გუდაურში წარმატებით ჩატარდა სამდღიანი ტურნირი სნოუბორდ ქროსში.  ღონისძიებამ უაღრესად დადებითი შეფასებები დაიმსახურა საერთაშორისო სათხილამურო ფედერაციის დელეგატების, სხვადასხვა ქვეყნის მწვრთნელებისა და თავად მოთხილამურეების მხრიდან. 

როგორც ცნობილია, 2023 წელს საქართველოში მსოფლიო ჩემპიონატი გაიმართება თხილამურით და სნოუბორდით თავისუფალი სტილით სრიალში.  მანამდე კი, საქართველოს, როგორც მასპინძელ ქვეყანას, აღებული აქვს ვალდებულება 4 წლის მანძილზე სხვადასხვა სამთო კურორტებზე, მსავსი შეჯიბრებები გამართოს. ამიტომაც, მათი მაღალ დონეზე ჩატარება განსაკუთრებით მნიშვნელოვანი და საპასუხისმგებლოა.

საერთაშორისო სათხილამურო ფედერაციის ეგიდით გამართული ევროპის თასის ეტაპები და სარეიტინგო შეჯიბრები სნოუბორდ კროსში და სკი კროსში, საქართველოს მთავრობის, მთის კურორტების განვითარების კომპანიისა და საქართველოს სათხილამურო ფედერაციის გენერალური სპონსორი კომპანია „სილქნეტის“ მხარდაჭერით ტარდება.

საორგანიზაციო საკითხების მაღალ დონეზე მომზადების პროცესში ჩართული არიან ყოფილი და ამჟამინდელი ნაკრების წევრები, რეგიონალური ფედერაციების წარმომადგენლები, გუდაურის მოსახლეობა და მოხალისეთა ჯგუფები.  

დამატებითი ინფორმაციისთვის ეწვიეთ საქართველოს სამთო-სათხილამურო ფედერაციის ვებ გვერდს : www.gsf.ge

საკონტაქტო პირი - სოფო ახმეტელი 577 47 77 01

 

სრულად 14 მარ

FIS-ის სარეიტინგო სნოუბორდ კროსის შეჯიბრება გუდაურში დასრულდა

დღეს გუდაურში FIS-ის სნოუბორდ კროსის სარეიტინგო შეჯიბრება ვაჟთა შორის გაიმართა. შეჯიბრებაში 8 ქვეყნის 22 სპორტსმენმა მიიღო მონაწილეობა, მათ შორის ორი ქართველი სნოუბორდისტი - ბაქარ მუშკუდიანი და ვალერი ზაქაიძე იყო.

კლიმატურმა პირობებმა მონაწილეებს და სპორტმენებს ხელი შეუწყო შეჯიბრის წარმატებით ჩატარებაში.

გამარჯვებული ესპანელი მარკ როური (Marc Roure) გახდა.

დანარჩენი საპრიზო ადგილები ასე გადანაწილდა : 
II ადგილი - გეზა კინდა (Geza Kinda) (რუმინეთი)

III ადგილი - რომან ალექსანდროვსკი (Roman Aleksandrovskyy) (უკრაინა)

IV ადგილი - კილი ვაისი (Kyle Wise) (დიდი ბრიტანეთი)

ქართველმა სნოუბორდისტებმა სამწუხაროდ კვალიფიკაცია ვერ გაიარეს.

შეჯიბრების დასრულების შემდეგ სპორტსმენებს სიგელები და თასები საზეიმო ვითარებაში გადაეცათ.

საერთაშორისო სათხილამურო ფედერაციის (FIS) სნოუბორდ კროსის ევროპის თასის ეტაპები და FIS-ის სარეიტინგო შეჯიბრი საქართველოს მთავრობის, მთის კურორტების განვითარების კომპანიის, საქართველოს სათხილამურო ფედერაციის და მისი გენერალური სპონსორის, კომპანია „სილქნეტის“ მხარდაჭერით ტარდება.

მომავალ კვირას, 15 მარტს გუდაური FIS -ის სკი კროსის საეთაშორისო შეჯიბრს უმასპინძლებს. 16, 17 მარტს კი ევროპის თასის ეტაპები გაიმართება ამავე დისციპლინაში.

 

სრულად 10 მარ